HIDROMEK LTD, STI

Türkiyənin aparıcı tikinti avadanlığı istehsalçılarından biri olan Hidromek şirkəti 1978-ci ildə kənd təsərrüfatı traktorlarını ekskavatorlara çevirmək üçün əlavələr istehsal edən kiçik bir şirkət kimi yaradılmışdır.Hazırda Hidromek-in istehsal sahələri Türkiyənin paytaxtı Ankarada (ekskavatorların yığılması zavodu, qaynaqlanmış polad hissələrinin istehsalı və satışdan sonrakı xidmət və təlim mərkəzi) və İzmirdə (ekskavatorların yığılması üçün zavod və yeni sənaye sahəsi) yerləşir. Qeyd edək ki, avadanlığın dizaynı tamamilə Hidromek mühəndisləri tərəfindən xarici şirkətlərin lisenziyasından istifadə edilmədən hazırlanıb. Şirkət Avropa, Asiya, Afrika və Avstraliyanın 50-dən çox ölkəsinə avadanlıq ixrac edir. Hidromek Bauma (Almaniya), Intermat (Fransa), Samoter (İtaliya), Conexpo (ABŞ) və Smopyc (İspaniya), CTT (Rusiya) kimi iri sərgilərin daimi iştirakçısıdır.